![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Një operacion i policisë së Vlorës i koduar “The Truck” (Kamioni), ka vënë në pranga një person të shumëkërkuar.
Albano Rakipi, 26 vjeç, banues në Vlorë, u arrestua në orët e vona të mbrëmjes së kësaj të enjteje.
Ai akuzohet për trafik droge, lidhur me një ngjarje të ndodhur më 29 janar 2017.
Më konkretisht, gjatë kontrollit të ushtruar në Pikën e Kalimit Kufitar Durrës, në kamionin me targë AA 8220S/AD801, në pronësi të firmës së tij që transportonte fruta-perime, u gjet dhe u sekuestrua një sasi prej 425 kilogramë e 650 gramë, kanabis sativa.
Gjithashtu, Gjykata e Shkallës së Parë për Krimet e Rënda Tiranë në 22 mars të këtij viti, ka caktuar ndaj tij masën e sigurisë “Arrest me burg”.
Shfaq Komentet (0)